Služba zaštite NP Skadarsko jezero u prethodnih mjesec dana realizovala je niz redovnih i vanrednih aktivnosti  u cilju spriječavanja nelegalnih radnji na teritoriji ovog zaštićenog područja.

 

Vanrednim aktivnostima na terenu u rejonima oka Karuč i Bjace, gdje je strogo zabranjen izlov ribe, podnijete su dvije prijave za izlov mrežama „građenjem“. 

 

Prethodnog vikenda Služba zaštite podnijela je dvije prijave inspektoru za slatkovodno ribarstvo protiv 4 lica zatečena u nelegalnim aktivnostima u rejonima Kornjače i Milića livada koja su dalje procesuirana nadležnim državnim organima. Takođe, sprovođenjem aktivnosti u graničnom pojasu Služba zaštite zaplijenila je sredstva za nelegalni izlov ribe putem električnog pretvarača. 

 

U prethodnih mjesec dana zaplijenjeno je 5 plovila, 4 vanbrodska motora, 3 pretvarača i 87 mreža. 

 

Služba zaštite je podnijela i 9 prijava za promjene u prostoru Ministarstvu prostornog planiranja, urbanizma i državne imovine, Komunalnoj inspekciji i Lučkoj kapetaniji.